ગુજરાત યુનીવર્સિટીનો વધુ એક તુક્કો, વિદ્યાર્થીઓ રઝડી પડ્યા

- રાતોરાત નિયમ બદલાતા વિદ્યાર્થીઓમાં હાલાકી

- ફી ભરવા બાબતે નિયમો બદલ્યા

ગુજરાત યુનીવર્સિટીના સત્તાધીશો છેલ્લા ઘણાં સમયથી જાણે વિદ્યાર્થીઓને હેરાન કરવાના શપથ લીધા હોય તેમ અવનવા તુક્કાઓ લગાવીને વિદ્યાર્થીઓ માટે હાલાકી પેદા કરી રહી છે. પહેલા બી.એસ.સી એડમીશન માટે વિદ્યાર્થીઓને દોડાવ્યા બાદ હવે બી.કોમ.ના વિદ્યાર્થીઓને ફી બાબતે નિયમો બદલતા બી.કોમ ફેકલ્ટીના વિદ્યાર્થીઓને હાલાકી ભોગવવાનો વારો આવ્યો છે.

વિગતો મળી રહી છે કે, ગુજરાત યુનીવર્સિટીમાં બી.કોમ ફેકલ્ટીના વિદ્યાર્થીઓ માટે ફી ભરવા બાબતે રાતોરાત નવો નિયમ લાવવામાં આવ્યો છે. જેના કારણે કેટલાય વિદ્યાર્થીઓ રઝડી પડ્યા છે. ગુજરાત યુનીવર્સિટીએ વિદ્યાર્થીઓને બેંકમાં ફી ભરવાની જાહેરાત કરી છે. પરંતુ આજે વિદ્યાર્થીઓની ફી બેંક દ્વારા લેવામા ન આવતા વિદ્યાર્થીઓ અટવાયા છે.